80 KA MGA BENEPISYARYO SA LUNGSOD SA BALOI UG TAGOLOAN NAKADAWAT OG MGA MANOK GIKAN SA PVO SA LANAO DEL NORTE

Mukabat sa 80 ka mga benepisyaryo nga gikan sa mga Lungsod sa Balo-i ug Tagoloan ang nakadawat sa mga libreng manok nga gipanghatag sa Provincial Veterinary Office kaniadtong Lunes, Agosto 16, 2021.

Kini nga proyekto sa PVO gipondohan ilalum sa 5% GAD sa Lanao del Norte.Ang mga nakadawat sa nasangpit nga programa gikan sa duha ka napiling Munisipalidad nga adunay marginal nga mag-uuma nga adunay mga anak nga nahisakop sa severely underweight children base sa pag evaluates sa Barangay Nutrition Committee.

Mokabat sa kwarenta (40) ka mga mag-uuma gikan sa Balo-i ug kwarenta (40) gikan sa Tagoloan ang nakadawat ug taglima (5) ka mga Philippine Heritage Native Chickens nga ilang ikapital, diin upat (4) ang mga himongaan ug usa (1) nga lalaki na manok.

"The local barangay officials and the PVO will assist the monitoring, and the beneficiaries will handle the maintenance. Once the chicken comes into the production stage, the eggs will be collected by the beneficiaries and sent to the hatchery department in PVO. After the eggs hatch, they will be sent back to the farmer" kini segun pa ni Dr. Fritzie Provido ang Provincial Veterinarian sa Lanao del Norte.

Metambong usab si Provincial Administrator Sittie Aminah Quibranza Dimaporo sa nasangpit nga aktibidad.Giawhag usab niya ang mga mag-uuma nga ampingan ang ilang mga manok aron madugangan ang populasyon sa native nga mga manok sa nasangpit nga lugar.

Nagpasalamat ang mga mag-uuma sa PVO, labi na kang Gobernador Angging Dimaporo nga paggahin ug pondo alang sa ilang pamilya ug paghatag kanila ug alternatibong panginabuhian arun pamakapalit sila ug pagkaon ug mga nutrisyon para sa ilang mga pamilya.(Mike Navarro)