DOLE10, PGLDN-PESO NAGPAHIGAYUN UG 2021 SPES PROGRAM

Pinaagi sa Public Employment Service Office (PESO) ug sa pakigtambayayong sa Department of Labor and Employment Region X (DOLE10), ang probinsya sa Lanao del Norte nagpahigayun ug usa ka SPES Program ug Career Guidance seminar nga gihimo didto sa Provincial Multi-Purpose Hall, Pigcarangan ,Tubod.

Ang programang Special Program for Employment and Student (SPES) mao ang programa sa pagpanarbaho sa kabatan-onan sa DOLE nga nagtumong nga mahatagan og trabaho ang mga kabus apan takus nga mga estudyante,out of school youth, ug mga namakwit o mahimong bakwit nga mga trabahante panahon sa ting-init aron madugangan ang ilang kita para sa pamilya ug makatabang usab nga masiguro nga makapadayon sila sa ilang pagskwela.

Mukabat sa (83) ka mga estudyante ang makapahimulos sa sa maong programa ug ibutang sila sa lainlaing mga tanggapan sa probinsiya ug nasyonal nga kagamhanan sulod sa 20 ka adlaw.

Gibutyag ni PESO Manager Ms. Evelyn A. Lopez, ang mga nadawat pahibaluon ra unya sila kung unsa ang ilang mga buhaton og kung asa sila nga mga departamento ibutang.

Metambong usab si Provincial Administrator Sittie Aminah Quibranza Dimaporo sa sa maong programa ug naghatag sa iyang kinasingkasing nga suporta sa mga estudyante.(Mike Navarro)