KANHE MGA REBELDE MEPASALIG NGA SUPORTAHAN ANG GOBYERNO HUMAN MESURENDER SA SULTAN NAGA DIMAPORO

Duha ka kanheng rebelde nga sakop sa Communist Party of the Philippines - New People's Army (CPP-NPA) ang mesurender og mebalik sa sabakan sa gobyerno kaniadtong Agosto 19 2021 sa Lungsod sa Sultan Naga Dimaporo ug mepasalig nga suportahan ang gobyerno.

Giila ang mga namalik nga sila alyas Harold ug alyas Dotdot,mesurender ang duha pinaagi sa Municipal Task Force to End Local Communist Armed Conflict (MTF-ELCAC) ug sa hiniusang paningkamot sa 51st Mechanized Company ug 5th Mechanized Infantry "Kaagapay" Battalion ug gikatakda nga makadawat sa ilang mga benepisyo.

Matud ni DILG Lanao del Norte Provincial Director Bruce Colao nga ipailawom sila sa Enhanced Comprehensive Local Integration Program (E-CLIP), ang dinalian nga tabang pinansyal nga kantidad ug P50,000 ang giproseso na kauban ang ilang livelihood para sa ilang pamilya.

Dugang pa, ang ilang mga gisurender nga pusil itugyan sa Philippine National Police (PNP) alang sa tukma nga valuation pagkahuman niini iproseso sa DILG ang cash tabang nga nagsilbing bayad sa armas nga ilang giseurender.

Butyag pa ni DILG PD Bruce Colao nga ang mga kanhi rebelde mahimong makakuha ug mga benepisyo pinaagi sa gipatuman nga E-CLIP.Gipasalig usab sa kagamhanang lokal sa SND ang ilang kaugalingong kontribusyon para sa improvement sa kinabuhi sa mga returnees.

Gipasabot usab ni Provincial Board Member Achmad Taha nga ang mga namalik mahimo usab nga mosalig sa kagamhanang probinsyal ilabina nga prayoridad sa mga opisyal sa probinsya ang pagtutok sa kahusay ug kalinaw ug pagsalmot sa mga ang resolution sa mga issues ug concerns.

“We are very thankful for these two rebels. Makakaasa po kayo sa amin, lalo na dito sa SND at sa Lanao del Norte kay ang atong gobernadora kanunay gapaluyo sa pagsulbad sa mga problema nga mamahimong malinawon ug mauswagon ang matag-usa kanato nga lumulupyo sa probinsya sa Lanao del Norte,” kini segun pa ni BM Achmad Taha.(📸courtesy PIA Iligan via Mike Navarro)