MGA HOSPITAL SA LANAO DEL NORTE NAKADAWAT UG MGA DENTAL BUS GIKAN SA DOH

Pormal ng gihatag ngadto sa Kapatagan Provincial Hospital ug SND Provincial Hospital ang mga Dental Bus unit nga gikan sa DOH kaniadtong Agosto 19, 2021.

Mismong si Governor Imelda “Angging” Quibranza Dimaporo ang naghatag sa mga unit ngadto sa Kapatagan Provincial Hospital ug SND Provincial Hospital.

Sila KPH Chief of Hospital, Dr. Remedios Fernandez, ug Dr. Jasmine Pungginaguina, ang Chief of Hospital sa SND ang personal nga medawat sa nasangpit nga mga unit nga didto gipahigayun sa Provincial Capitol Grounds, Pigcarangan, Tubod.

Gipaabot ni Gov Angging ang iyang dakong pasalamat ngadto sa DOH sa padayon nga pagsuporta sa  probinsya labi na karong panahona sa kalisdanan tungod sa pandemic.

“We are very grateful for the DOH for giving us another essential health unit that we can use to deliver accessible and effective healthcare service, especially in those remote areas that have dire needs with their oral health,” kini segun pa ni Governor Angging.

Ang matag dental bus puno sa duha nga mga lingkuranan sa ngipon, usa ka autoclave, usa ka compressor ug usa ka kompleto sa mga gamit para sa ngipon aron mahatag ang mga kinahanglanon sa mga pasyente.(Mike Navarro)