STRATEGIC PLANNING WORKSHOP SA LDN CONSUMER COOPERATIVES SECTOR NAGMALAMPUSON

Nagmalampuson ang strategic planning workshop sa consumer cooperative sa Lanao del Norte,pinaagi sa Provincial Cooperative Office nga gipangulohan ni Ms.Minda V. Regis nga didto gipahigayon sa Macapagal Training Center, Pigcarangan, Tubod, kaniadtong Martes, Agosto 3, 2021.

Ang katuyoan sa nasangpit nga workshop mao ang paghiusa sa tanan nga sektor sa kooperatiba sa probinsya ug pagtukod ug usa ka pederasyon nga magrepresentar sa matag sektor ug molihok isip mga opisyal ug konsolidador sa ilang mga produkto ug serbisyo.Kini usa usab ka pamaagi aron tugotan sa PCO ang lainlaing myembro sa kooperatiba nga magtuki sa ilang mga kusog, kahuyang, higayon, ug hulga aron mahatagan sila og pagsabot ug makakuha ug usa ka malinaw ug realistiko nga panan-aw sa ilang mga produkto.

Nagpasalamat ang mga membro sa mga cooperatiba ngadto sa PCO ug PGLDN nga gipangulohan ni Gobernador Imelda 'Agging' Quibranza-Dimaporo alang sa higayon nga gihatag kanila ug alang sa aktibong pagsuporta sa tanan nga kooperatiba sa probinsya sa ilang mga tinguha, labi na karong panahon sa pandemic.(Mike Navarro)