TUBIG NGA DUGAY NANG GIPANGANDOY SA KATAWHAN, NAHATAG PINAAGI NI DS OAMINAL UG MAYOR ANDO

“Pila ka tuig namong paabot ani nga project. Karon natuman na gyud!” 

Kini ang malipayong pahayag ni Dimaluna Punong Barangay Roberto Linsag samtang gipangunahan niya ang kinasing-kasing nga pasalamat sa mga taga-Barangay Dimaluna ngadto kang DS Henry S. Oaminal ug Mayor Ando Oaminal atol sa gipahigayon nnga Blessing and Ribbon-Cuttingd sa water system project sa ilang barangay, nga karon nagbenepisyo sa kapin kun kulang 200 pa ka mga panimalay sa barangay. Kung makumpleto na kini nga proyekto uban sa dugang pa nga tangke ug tubo sa tubig nga gisaad nga pondohan ni Mayor Ando, kini nga proyekto magbenepisyo dili lamang sa taga-Dimaluna apan usab sa silingan nilang barangay sa Balintawak. 

Presente usab atol sa maong Blessing and Ribbon Cutting si 2nd District Board Member Nemesio Lahaylahay ingon nga representante ni DS Oaminal ug ABC Federated Vice-President Konsehal John Docdor nga mirepresenta ni Mayor Ando. Sa iyang mensahe, gipahayag ni Ozamiz City Councilor Anita “Nene” Linsag, ug kapikas ni Kapitan Linsag, nga sukad pa sa iyang pagka-Kabataang Barangay Chairman, konsehal sa Barangay, hangtod nga nag-two terms ingon nga kapitan sa Dimaluna, yangungo na sa katawhan ang tubig sa ilang lugar. Ug bisan tuod sa daghang pagsulay nga naagian sa mga opisyal ug lumilihok sa barangay, nakita na karon ang dakong katumanan sa proyekto nga dugay na nilang gipangandoy. 

Mga pasalamat sa Ginoo niini nga gasa ug hangyo sa tanan sa pagtugbang sa paghago sa atong mga opisyal pinaagi sa pag-amping niini ug pagbayad sa binulan nga konsumo, kini ang pahinumdom sa konsehal. “Ang atong tubig naana. Gipaningkamotan sa Asenso Ozamiz administration, nga naglantaw gayod kung unsay gikinahanglan sa mga kabarangayan, para sa katawhan,” panapos ni Konsehal Linsag.

via Asenso Ozamiz News Channel