BAG-ONG LEGISLATIVE BUILDING SA LGU LALA BUKAS NA SA PUBLIKO

Pormal ng giabrehan ngadto sa publiko ang bag-ong legislative building sa LGU Lala Lanao del Norte.Pondo gikan sa Vice Mayors Office ang ilang gigamit sa maong building nga nagkantidad ug 13 milyon pesos.

Si Vice Governor Maria Cristina Navarro Atay kauban sila Mayor Angel "Tata" Yap, Vice Mayor Cesar "Poloy" Yap Jr ang nanguna sa ribbon cutting sa nasangpit nga building.Gisaksihan usab kini sa mga SB members og mga Department heads sa nasangpit nga Lungsod.

Ang maong building adunay Vice Mayors Office,SB session hall,Conference room,Opisina sa 8 ka mga SB members ingonman opisina sa SK Federated President ug ABC President.Aduna usab opisina ang SB staff og SB secretary.

Nahimo matud pa kini gumikan kay guba na ang daang legislative building.Guba na ang session hall,motulo pa kini panahon sa ting-ulan,guba ang vice mayors office ug walay kugalingon nga opisina ang mga SB members.(Mike Navarro)