BUGAS GIPANGHATAG ATOL SA 33rd ARAW NG BARANGAY DE ORO BUTUAN CITY AGUSAN DEL NORTE

Nanghatag ug bugas ang mga opisyal sa barangay De Oro Butuan City Agusan del Norte, atol sa pagsaulog sa ika 33rd Araw ng Barangay De Oro.

Mukabat sa 550 ka mga pamilya ang nahatagan ug (4kilos) nga bugas ingon man mga school supplies ug cash ang gihatag sa mga kabataan nga mesalmot sa ilang slogan kontes.Nagpa raffle usab sila ug daghan ang nalipay ug nakadawat ug mga premyo.

Matud ni Barangay Kapitan Randy Jagonos, ilang giamot-amotan sa mga barangay opisyals gikan sa ilang honorarium ug ila kining gidugangan sa ilang pondo sa barangay.

" Ang 4 kilos nga bugas nag amotay kami kauban ang atong mga brgy officials gikan sa among honorarium then gidugangan ug pondo gikan sa Barangay.Ang among raffle giamotan gihapon namo sa mga barangay officials ug katong mga goods,mao kini ang among nadesisyonan sa among session", kini dugang pa ni Barangay Kapitan Randy Jagonos.

Samtang nagpa raffle usab ang SK nga gipangunahan ni Sk chairwoman Gelly mie Noval.Mga school suppies ug cash ang ilang gipanghatag gamit ang pondo gikan sa SK.

Ang barangay De Oro ang boundary sa Agusan Del Norte ug Agusan Del Sur ug katapusang barangay sa Butuan City.(Mike Navarro)