COMMUNITY PARTNERSHIP "TAMBAYAYONG" UG BRGY PEACE SUMMIT GILUSAD SA KAPULISAN SA LANAO DEL NORTE

Gilusad sa kapulisan sa Lanao del Norte ang Community Partnership "Tambayayong" ug Barangay Peace Summit nga usa ka programa sa kapulisan sa nasud sa ilalom sa pagdumala ni PDG Guillermo Lorenzo Tolentino Eleazar ug ang iyang Intensified Cleanliness Policy.

Gipangunahan ni PBGen Rolando Anduyan, Regional Director PRO10 ang nasangpit nga programa pinaagi sa virtual via zoom ug sya usab ang naghimo sa project "Tambayayong" sa PNP 10.Mesaksi usab sila PCOL Isaias Bacurnay Jr,Provincial Director PNP LDN, representante ni Col. Rey Alemania, commander 2nd Mechanized Brigade pinaagi ni LTC Joseph Marlon Pamoso, DILG Bruce Colao, LDN Provincial Director.

Present usab sila Mr. Musa Sanguila, LDN PPO PAC Chairman, Mr. Romeo Alajas, President Phil. Guardian Brotherhood Inc., Hon Genesis Tura, Provincial ABC President LDN, ingonman ang 22 ka mga ABC President sa 22 ka Municipyo sa probinsya.Mesaksi usab via zoom ang 22 ka mga hepe sa kapulisan sa 22 ka lungsod.

Ang "Tambayayong" gihimo sa kapulisan sa region 10 nga gipangunahan ni PNP 10 Regional Director PBGen Rolando Anduyan para mahatagan ug insaktong pagtagad sa kapulisan ang katawhan sa matag barangay.

Nagkahiusa usab ang mga Barangay ABC President sa 22 ka Municipyo sa Lanao del Norte nga suportahan ang nasangpit nga programa sa kapulisan pinaagi sa pagpirma sa signing of commitment, kauban ang PNP ug ang 2nd Mechanized Brigade og uban pang grupo.(Mike Navarro)