GRUPO NI MAYOR DONDON OMAR SA MAGSAYSAY LANAO DEL NORTE NAGSUMITE NA SA ILANG COC ILALOM SA PDP LABAN

Pormal ng nag sumite sa ilang Certificate of Candidacy ang grupo ni Mayor Haron "Dondon" Omar Sr. sa Lungsod sa Magsaysay Lanao del Norte.

Medagan ang grupo ilalom sa PDP LABAN (Cusi faction) kung asa si 1st District Cong. Khalid Dimaporo ang Provincial Chairman sa Lanao del Norte.Kauban ni Mayor Haron Omar nga magpasubli pag-usab ang iyang Vice Mayor nga si Haleah Omar Diambangan.

Samtang ang mga magpasubli pag-usab ug ang modagan sa ticket sa PDP Laban sa pagka SB members sila, Roselito Oyog,Mambuay Angnie,Evelita Batalo,Usodan Buanding,Mangawan Cali,Ameroden Guinal,Jabar Omar ug si Elizabeth Pantillo.

Sa ilalom sa pagdumala ni Mayor Haron Omar, naila ang Lungsod sa Magsaysay sa Lanao del Norte nga usa ka tourist destination gumikan sa ilang Jardin de Rachma and Eco Tourism Park kung asa makita ang isa sa pinakadakong replika sa takuri ug ang nag-inusarang replika sa pinakadakong Kingkong.

Samtang paspas usab ang mga development sa maong lugar,kung asa hapit ng mahuman ang ilang bag-ong merkado ug ang gisugdan nga bag-ong Municipyo.Nagpadayun usab ang pagsemento sa mga nag-unang kadalanan sa maong lugar. ( Mike Navarro)