GRUPO NI MAYOR MARCOS MAMAY SA LUNGSOD SA NUNUNGAN LANAO DEL NORTE NAG FILE NA SA ILANG COC

Pormal ng nag file sa ilang certificate of candidacy ang grupo ni Nunungan Mayor Marcos Mamay ilalom sa PDP LABAN Team Dimaporo.

Magpapili pag-usab sa pagka Mayor si Marcos Mamay para sa iyang last term kuyog si Vice Mayor Jun Cawasa.Kauban usab niine ang ilang walo (8) ka mga SB members.

Mukabat sa 100 kapin ka mga sakyanan kung asa sakay ang ilang mga pamilya ug mga supporters isip pagpakita ug dakong suporta sa iyang administrasyon.

Sa usa ka interview sa mga sakop sa media, iyang gibutyag nga ang isa sa challenge nga iyang gi atubang paglingkod isip Mayor kaniadtong 2016 mao ang peace and order sa maong lugar kung asa nabansagan kining rido capital sa Lanao del Norte.

Gitutukan sa iyang administrasyon ang peace and order kung asa gipangsulbad niine ang mga away pamilya (rido) sa iyang lungsod.Gisunod niine ang pagdevelop sa dalan kung asa makita nga sementado na gikan sa Sapad paingon sa Poblacion Nunungan.

Isa sa legacy nga mabilin ni Mayor Marcos Mamay sa lungsod sa Nunungan mao ang mga development sa ilang lugar sama sa pagsemento sa dalan, pag develop sa ilang mga tourist distination (Nunungan Lake,Mount Inayawan, Caves and Lakes).Ang pagtukod sa bag-ong Municipyo ug ang umaabot nga pagtaod sa kuryente sa maong lungsod.(Mike Navarro)