MGA TOURIST ATTRACTION SA LUNGSOD SA NUNUNGAN NAILHAN UG NASURUYAN NA SA PUBLIKO

Hinay-hinay ng nailhan ug nasuruyan sa publiko ang mga tourist distination/attraction sa Lungsod sa Nunungan Lanao del Norte.

Segun ni Mayor Marcos Mamay, sukad nga nasemento ang nag-unang dalan sa maong Lungsod, ila usab gi-abrehan ang mga maanindot nga mga lugar kung asa ang uban niine sa Nunungan lamang makita.

Naila ang Lungsod sa Nunungan nga isa sa pinakadakong land area sa probinsya sa Lanao del Norte ug dinhe usab makita ang Mount Inayawan Range Natural Park nga nominado sa ASEAN HERITAGE

kung asa gibansagan kining (little baguio of the south) gumikan sa talagsaong klema sa lugar.

Dinhe usab makita ang pamusong Lake Nunungan, nga usa na kamaanindot nga tourist distination,human kini gi develop ug gibutangan ug mga rides,cottages ug ang bag-ong nahuman nga floating restaurant.

Diri usab makita ang talagsaong Rebucon Clay soil type nga sa kaanindot sa view makaaghat sa mga tao para magpa picture.Ingonman ang wild berries kung asa anaa lamang kini sa daplin sa dalan ug libre kining makuha sa mga bisita ug tourista ilabina ang mulaag suroy sa Lake Nunungan.

Sa Nunungan usab makita ug ma experience ang mga cave, sama sa Notongan cave,Poblacion cave ug ang Lupitan cave.Aduna usab silay 3 ka waterfalls ang Dimayon falls,Bagalan Bawang falls ug ang Liangan falls.

Sulod lamang sa duha ka termino (6 years) ni Mayor Marcos Mamay hinay-hinay ng naila ug nakita ang mga maanindot nga talan-awon sa maong Lungsod ug ang paspas nga development sa maong lugar.

Sa karon, naka focus ang iyang administrasyon sa peace and order ug sa mga proyekto sa iyang lungsod para sa mga katawhan sa Nunungan ug ingon man sa mga torista nga buot molaag/suroy sa ilang lugar. (Mike Navarro)