TEAM YAP SA LUNGSOD SA LALA NAG SUMITE NA SA ILANG COC ILALOM SA PDP LABAN

Pormal ng nag sumite sa ilang Certificate of Candidacy ang grupo nila Lala Mayor Angel Yap ug Vice Mayor Cesar Yap Jr. ilalom sa PDP LABAN ug sa TEAM DIMAPORO sa Lanao del Norte.

Subling magpapili pag-usab isip Mayor si Angel "Tata" Yap,ug si Cesar "Poloy" Yap Jr. sa pagka Vice Mayor.Samtang magpapili pag-usab sa pagka SB member sila Bryan Bontilao, Ralph Lim, Nelson Vios ug Engr.Rone Dejarme.

Kuyog usab sa ilang grupo sa Team YAP - PDP LABAN - TEAM DIMAPORO nga magpapili isip SB member sila Mark Yap " Macoy" Ancanan, Dick Avila "Dickyam" Salimbangon, Kristine "Kingking" Clamucha Romo, ug si Marites Guzman "Tess" Procianos.

Gikuyogan sa ilang mga pamilya, supporters ug 25 ka mga barangay kapitan sa nasangpit nga lungsod ang mga kandidto sa ilang pag file ug COC isip pagpakita ug suporta.

Sulod sa duha ka tuig kapin sa paglingkod sa administrasyong YAP, daghan na nga mga kalambuan ug mga proyekto ang ilang gipanghimo kung asa nakahatag ug dakong tabang ngadto sa katawhan.

Ang isa sa dili makalimtan sa mga tao mao ang pagserbisyo sa ilang duha ka ambulansya diin libre kining magamit sa publiko ug maski piso wala kini mabayran.

Dako usab ang pasalamat sa katawhan sa matag barangay nga kung asa nasugdan na ug semento ang ilang mga dalan ug lauman nga mahuman kini sunod tuig human malangan gumikan sa covid19 pandemic.(Mike Navarro)