GINI-AKAN FESTIVAL SA LUNGSOD SA BAROY LANAO DEL NORTE GISAULOG PAGBALIK HUMAN ANG 4 KA TUIG

Human ang 4 ka tuig nga wala naka selebrar,gisaulog pagbalik sa Lungsod sa Baroy ang ilang pamusong Gini-Akan Festival kaniadtong Enero 18 2024 atol sa pagsaulog sa ka pyestahan ni Sr. Sto. Niño nga mao ang patron sa maong Lungsod.

Gidagsa sa daghang katawhan ang maong selebrasyon ilabina ang isa sa pinaka bibong street dancing competition,nga gisalmutan sa 4 ka mga contingent nga mao ang, LNNCHS,STO. NIÑO ACADEMY ug ang gikan sa Linamon ug Magpatao Lala.Nakisayaw usab si Mayor Grelina M. Lim sa street dancing dala ang imahe ni Sr. Sto Niño.

"Last nga selebrasyon namo kaniadtong 2020,ang Gini-Akan nagsugod ni sya kaniadtong 1998.Ang selebrasyon niine ilabina kaning street dancing on and off,karon pa kini gibalik.Ang mga premyo ani,100k,75k ug 50 sa first,second ug 3rd ug 20k ang consolation"segun ni Ms. Rosalbeth C. Villarin,MCO/Gini-Akan Festival Chairperson.

Nakuha sa LNNCHS ang Champion sa Gini Akan Festival ug best festival queen,samtang nakuha sa contingent gikan sa Linamon ang 1st runner up ug 2nd runner up ang gikan sa Sto Niño Academy.

Nahimong bibo ug makahulogan sa taga Baroy ang maong selebrasyon gumikan dinhe naila ang ilang Lungsod isip Clay Town Capital sa Lanao del Norte.Plano pa ni Mayor Grelina Lim nga pabonggahon pa ang maong selebrasyon sa sunod tuig.(Mike Navarro)