KAPIN SA P5-M NGA SMUGGLED NGA PRODUKTO SA AGRIKULTURA NAKUMPISKAR SA NBI UG BOC SA BINONDO,MANILA

Gisakmit sa Bureau of Customs (BOC) ug National Bureau of Investigation (NBI) ang cold storage facility sa Binondo, Manila nga adunay sulod nga smuggled nga mga produkto sa agrikultura.

Matod sa BOC nga pipila ka adlaw silang nagpahigayon og surveillance sa maong dapit ug dihang nakahigayon, gisulong dayon nila ang nahisgutang lugar.

Ang mga produktong pang-agrikultura nga nagkantidad og kapin sa P5 milyones gikan sa ubang kanasuran ang na-expose niini.

Ang nahisgutang mga nagkadaiyang utanon ug prutas gibaligya sa barato nga presyo.

Gidakop na sa mga otoridad ang mga guwardiya sa cold-storage facilities ug ila pang gisuta kung kinsa ang tinuod nga tag-iya sa maong cold storage facilities.