SHOPPING CENTER SA BRGY MARANDING GILUNGKAB 2.8 M NGA KWARTA NAKUHA

Gilungkab sa wala mailang mga suspect ang usa ka shopping center didto sa Barangay Maranding, sakop sa lungsod sa Lala, Lanao del Norte kapin kun kulang alas 10 kagabii,Enero 14 2024.

Subay sa report gikan sa Lala Municipal Police Station nga miagi sa atop ang mga suspect  nga nakatabon ang nawong paingon sa vault ug dayon nila kining giguba ug gikuha ang kwarta nga nagkantidad sa 2.8 million pesos.

Blangko pa ang tagdumala sa maong establishment kun si kinsa ang nanglungkab ug mikuha sa ilang halin.

Nagpadayon pa ang imbestigasyon sa kapulisan kalabot sa maong panghitabo.