TOP 6 REGIONAL LEVEL TARGETLIST SA PDEA UG PNP DAKPAN SA MARANDING LALA

Nadakpan sa kapulisan ang usa ka idlas nga drug suspek kung asa top 6 regional level target list sa PDEA PNP sa Purok Tugas,Barangay Maranding Lala Lanao del Norte pasado alas 4:43 sa hapon Enero 17 2024.

Giila sa kapulisan ang nadakpang suspek nga si Leoman Regis,ulitawo,29 anyos ug usa ka tambay ug Top 6 PDEA PNP target list regional level.Nadakpan na matud pa kini kaniadto sa kasong druga ug firearms ug usa kini ka probisyoner.Apil usab nga gidakop sa kapulisan ang usa ka alyas Jay,usa ka graduating student sa kursong social work human kini makuhaan usab ug dakong putos sa gituohang shabu sa iyang dalang sling bag.

Dala sa mga sakop sa kapulisan sa PDEU (Provincial Drug Enforcement Unit) PNP Lanao del Norte ang usa ka search warrant nga pirmado ni Hon. Alberto P. Quinto,Presiding Judge, 12th Judicial Region RTC Branch 21, Kapatagan Lanao del Norte,gisulod niine ang iyang panimalay kung asa boluntaryong gitudlo kung asa gibutang ang dakong putos sa gituohang shabu.

Giangkon sa supek nga mogamit kini ug namaligya sa ilegal nga butang.Dako usab ang kalipay sa iyang ginikanan ug mga igsuon gumikan kay matud pa badlungon na kini kaayo ug wala kini nagbago.(Mike Navarro)