KANHI EMPLEYADO SA LGU LALA DAKPAN SA DRUG BUY BUST OPERATION SA BRGY LANIPAO

KANHI EMPLEYADO SA LGU LALA DAKPAN SA DRUG BUY BUST OPERATION SA BRGY LANIPAO

Dakpan ang usa ka kanhing empleyado sa Municipyo sa Lala human kini namaligya og shabu sa gikasang drug buy bust operation sa Kapulisan diha sa Upper Mendiola Brgy Lanipao Lala niadtong Enero 15 2026 alas 10:30 sa gabie.

Ang suspek nga giilang si alyas Badjao, minyo, resident sa maong dapit, positibong napalitan og isa ka pakiting shabu kantidad 500 pesos.Nakuhaan pa ang suspek og 5 ka pakiting shabu atol sa pag body search kaniya.Apil sa nakuha ang 500 pesos nga drug buy bust money.

Aminado ang suspek sa iyang nabuhat ug andam nya kining serbisyohan sulod sa presuhan ug subay pa nya nga, mas maayo matud pa nga nadakpan sya para ma rehab ug maka amngo sa iyang nabuhat sa iyang kinabuhi og sa iyang pamilya.

Gidugang pa nga gireklamo na ang maong suspek sa iyang asawa, igsuon ug mga silingan gumikan kay mangawat na kini ug butang para lang adunay ikapalit og shabu, nahurot na usab og baligya sa suspek ang gamit sa balaynsa iyang inahan, sama sa 3 ka tv, mga gamit sa kusina apil mga kutsara, baso ug plato ug kaldero para adunay ikapalit ang suspek sa iyang bisyong shabu human kini nga mihawa sa iyang gitrabahuan sa LGU Lala.

Gidugang pa nga usa ka regular employee ang suspek sa Lgu ug mihawa kini gumikan na usab sa iyang bisyo ug ang iyang kahadlok sa drug test nga ipahigayun sa LGU.