LALAKI NGA FIESTA ANG ADTOAN, PRESUHAN ANG GIPADOLNGAN HUMAN MADAKPAN SA DRUG BUY BUST OPERATION SA KAPULISAN SA BAROY LANAO DEL NORTE

LALAKI NGA FIESTA ANG ADTOAN, PRESUHAN ANG GIPADOLNGAN HUMAN MADAKPAN SA DRUG BUY BUST OPERATION SA KAPULISAN SA BAROY LANAO DEL NORTE

Wala na nakadayun sa pagpa miesta ang usa ka lalaki human nga gisikop kini sa Kapulisan sa Lungsod sa Baroy human nga gikasa ang drug buy bust operation alas 4:36 sa hapon Enero 14 2026 diha sa Purok 5, Brgy Lower Sagadan, Baroy LDN.

Segun ni PCPT RUTHER GLENN S PILAPIL, taud² na nilang gisundan ug gi under survelance ang suspek nga giilang si Elmer De Guzman Jr alyas, Tik-Tik, 30 anyos, minyo ug residente sa Purok 4, Brgy Libertad, Baroy LDN.

Mamiesta matud pa ang target suspek sa Lungsod sa Baroy, dala pamaligya og shabu.Usa ka polis pusher buyer ang nakig transak sa suspek ug nagkasabot nga sa Lower Sagadan sila mag-abot ug didto ug didto himuon ang ilang transakyon.

Wala nakabantay ang target suspek nga pulis diay ang iyang costumer, sa paghatag sa suspek sa shabu ngadto sa polis asset, dali kining gihawiran ug wala na nakalihok ang suspek ug nahadlok kini.

Sa paghiling sa iyang dalang sling bag, nakuha ang usa ka caliber. 38 nga armas nga adunay 3 ka mga buhing bala.Apil sa nakuha ang 4 ka pakiting shabu nga mitimbang og 2.5 gramo nga nagkantidad uf 17,000.

Kasong pagsupak sa RA 10591 kon Comprehensive Firearms and Ammunition Regulation Act ug RA 9165 sa korte