VICE MAYOR BOBONG YAP, GIPANGUNAHAN ANG SANGGUNIANG BAYAN JOINT SESSION SA BARANGAY DARUMAWANG BUCANA
Gipangunahan ni Vice Mayor Bobong Yap ang Joint 13th regular Session sa Sangguniang Bayan sa Lala ug ang mga Barangay officials sa Darumawang Bucana niadtong Lunes, Enero 12 2026 diin didto kini gipahigayon sa Baskerball Covered court sa maong barangay.
Segun ni Vice Mayor Bobong Yap, nindot kini nga pamaagi sa session aron mabati ug madungog sa mga SB members ilabina ang mga naka assisgn sa mga district barangay para diretso mapaabot kanila ang mga problema ug molo sa katawhan sa matag barangay, hinungdan nga iyaha kini gisuportahan ug gika uyonon sa majority sa Sangguniang Bayan.
Samtang hugot ang gihatag nga suporta ni SB member Dickyam Salimbangon chairman sa committee on appropriation sa maong lakang ug iyaha kining gibudgetan gikan sa panodlanan sa Lungsod para sa maong kalihukan.
Kahinumduman nga ang maong SB Joint Session sa matag Barangay gisugdan kini kaniadto sa panahon ni Vice Governor Allan Lim , sa dihang Mayor pa kini sa Lungsod kauban si kanhi Vice Mayor Nino Longcob apan wala napadayun.
Gisugdan usab kini kaniadto sa panahon ni Mayor Tata Yap kauban si kanhi Vice Mayor Poloy Yap, apan wala gihapon napadayun.Sa karong panahon ni Mayor Tata ug Vice Mayor Bobong Yap gisugdan na usab kini ug nanghinaot ang grupo mga mahuman ang maong Joint session sa 27 ka mga barangay sa Lala sa dili pa muabot ang Brgy ug SK election karong Nobyembre.
Comments
Post a Comment