WINGVAN NAWAD-AN OG BRAKE MIBANGGA SA TINDAHAN DIHA SA STO NIÑO VILLAGE BAROY LANAO DEL NORTE
Napasok sa tindahan ang usa ka wingvan sa dihang nawad-an kini og preno alas 7:50 sa buntag niadtong Enero 14 2026 diha sa may national highway of Barangay Sto. Nino Village, Baroy, LDN.
Segun sa driver sa maong wingvan nga si Joel Cuysona Dupalco, 43 anyos, minyo ug residente sa Sibalic, Gutalac, Zamboanga del Norte, gikan sya sa iligan City ug paingon sa Pagadian City, apan pag-abot sa may crossing sa Brgy Santo Niño Village, kalit kining nawad-an og break, hinungdan nga nawad-an sya og control sa manobela.
Segun pa sa driver, para walay madamay ug makalas nga kinabuhi ug para walay madamay nga mga sakyanan, iyaha nalang kining gibanggan sa tindahan nga AINS GENERAL MERCHANDISE nga gipanag-iyahan ni Anjulie Dilin Abamongga.
Naka angkon og gamay nga bun-og ug gasgas sa kalawasan ang driver ug walay naangin sa maong hitabo.Samtang dako² ang damage sa maong tindahan.Sa karon nagsabot na ang tag-iya sa maong sakyanan ug ang tag-iya sa maong tindahan.
Comments
Post a Comment