BARANGAY MARANDING SA LALA, NAGPAABOT OG TABANG NGADTO SA BRGY DALAMAS SA TAGOLOAN LANAO DEL NORTE

BARANGAY MARANDING SA LALA, NAGPAABOT OG TABANG NGADTO SA BRGY DALAMAS SA TAGOLOAN LANAO DEL NORTE 

Naghatud og tabang ang Barangay Maranding sa Lungsod sa Lala kauban ang LDN Vloggers Association ug sa suporta sa opisina nila Mayor Tata ug Vice Mayor Bobong Yap ngadto sa Barangay Dalamas, Tagoloan Lanao del Norte nga isa sa grabeng naapektuhan sa paghapak sa bagyong basyang.

Ang maong relief operation gipangunahan ni Kapitan Rarai Pongase kauban sila Kag. Leah Daiz Yap, Lucky Jade de Guzman, Marissa Guzman, Glen Villondo, Marlou Generoso Quiza ug si

SK chairwoman Jeth  Nikka Gado.

Kauban usab ang mga membro sa LDN Vloggers Association ug mga ERU.Naghatag usab og dakong suporta si SB member Allan S. Guzman. Ang maong kalihokan nahimong posible gumikan sa suporta sa LGU-Lala nila Mayor Angel Ll. Yap ug Bise Mayor Lemuel "Bobong" Yap.

Mapasalamaton ang mga residente sa Brgy. Dalamas sa ilang nadawat nga mga relief goods nga dako og ikatabang sa  ilang hinay-hinay nga pagbangon.

Personal usab nga nitambong si SBM Allan Guzman aron iyang saksihan ang distribusyon ug masiguro nga hapsay ang pagdawat sa mga benepisyaryo sa maong mga hinabang.

Samtang gibutyag ni Brgy Kag. Leah Daiz Yap isa sa nanguna sa maong relief distribution nga walay dilikado ug layo nga lugar kung ang pagtabang ang ilang tuyo sa maong dapit kini segun pa sa brgy kagawad.