LGU LALA ADUNAY BAG-ONG RESCUE VEHICLE UG RESCUE PUMPBOAT PARA MAGAMIT SA MGA EMERGENCY SA KADALANAN UG SA KADAGATAN

Opisyal na nga miabot sa Lungsod sa Lala ang bag-ong rescue vehicle ug rescue pumpboat sa MDRRMO nga usa ka dakong lakang padulong sa mas lig-on, mas paspas, ug mas epektibong disaster response sa kadalanan ug kadagatan.

Kini nga bag-ong sakyanan magsilbing dakong tabang sa emergency response, rescue operations, ug disaster preparedness, ilabi na sa panahon sa mga kalamidad ug mga kalit nga panginahanglan sa komunidad.

Nagpasabot kini sa padayon nga pag paningkamot sa lokal nga mga opisyal nga unahon ang kaluwasan ug kaayuhan sa katawhan sa Lungsod sa Lala.

Dako ang pagpasalamat sa katawhan sa Lala ug sa walay hunong nga suporta nila Mayor Tata ug VM Bobong Yap ug sa mga SB members sa ilang pag paningkamot, paggiya, ug paghatag og prayoridad sa mga proyekto nga nagpalig-on sa disaster preparedness sa Lungsod.

Nagpasalamat usab ang MDRRMO sa tanang nagtinabangay aron matuman ang nasangpit nga proyekto, diin ang kaluwasan sa katawhan ang ilang kanunay nga prayoridad.