MAYOR BETH BAGUIO ALI, NANGHATAG OG GROCERY UG BUGAS SA MUSLIM COMMUNITY SA LUNGSOD SA KAPATAGAN LANAO DEL NORTE

MAYOR BETH BAGUIO ALI, NANGHATAG OG GROCERY UG BUGAS SA MUSLIM COMMUNITY SA LUNGSOD SA KAPATAGAN LANAO DEL NORTE

Nanghatag og grocery packs ug bugas sila Mayor Beth Baguio-Ali, Vice Mayor Barry Baguio ug Municipal Adminstrator Harris Umpa Ali ngadto sa Muslim Community sa Lungsod sa Kapatagan isip suporta sa pag-obserbar sa balaang bulan sa Ramadhan.

Ang maong inisyatiba gitumong sa maong mga opisyal sa Lungsod aron makatabang sa mga pamilya sa Muslim community ilabi na karong panahon sa pagpuasa ug pag-ampo, nga usa ka mahinungdanong parte sa ilang pagtuo ug tradisyon. 

Nagpakita usab kini sa ilang padayon nga pagpaningkamot sa paghatag og serbisyong patas sa tanang sektor sa maong Lungsod nga walay pinili o giila.Nagtuo sila nga pinaagi sa ginagmay apan makahulugang mga buhat sa pagtinabangay, mas mapalig-on ang panaghiusa ug respeto sa nagkalain-laing komunidad.

Nagpabilin usab ang panawagan sa lokal nga panggamhanan sa tanang katawhan sa maong Lungsod nga ipadayon ang panaghiusa, pagtinabangay, ug pagrespeto sa usag usa, ilabi na niining balaang panahon sa Ramadan nga gisaulog sa tibuok kalibutan.