MAYOR TATA YAP UG SB MEMBER RALPH LIM, GIMANDO NGA PAHUGTAN ANG PAG PANGDAKOP SA MGA KOLOROM SA LALA

MAYOR TATA YAP UG SB MEMBER RALPH LIM, GIMANDO NGA PAHUGTAN ANG  PAG PANGDAKOP SA MGA KOLOROM SA LALA

Gimanduan karon ni Mayor Tata Yap ang MEEDO ug mga traffic enforcers nga pahugtan ang pagpangdakop sa mga kolorom nga namasayro sa Lungsod sa Lala kini atol sa ilang gipatawag nga emergency nga gitambungan nila SBM Raprap Lim, chairman sa Committee on Transportation and Communication ug SB member Engr. Rone Dejarme,Bobong Perez, MEEDO head Tata Vios,PMAJ Rando Salvacion, Chief of Police Lala MPS, tanang TODA President sa Lungsod ug mga traffic enforcers ingonman mga MEEDO collectors.

Kini human nga mireklamo sa opisina ni Mayor Tata ang Federated Pres. sa mga TODA mahitungod mga kolorom nga namasayro nga walay mga prangkisa sa Municipyo nga nahimong kompitinsya sa ilang pagpamasayro.

Segun ni Mayor Tata Yap, ilang pakusgan ang pagpangdakop sa mga kolorom, inubanan sa suporta ni Vice Mayor Bobong Yap ug sa mga SB member sa Lala.Samtang SBM Raprap Lim, chair: sa Comm on Transportation and Communication ang nag anunsyo nga gipaspasan ang pag purchase sa ilang mga handheld radio para aduna silay magamit ug paspas ang ilang communication.

Si PMAJ Rando Salvacion, hepe sa LALA PNP ang magbutang og Polis personel sa mga traffic enforcers outpost para motabang ug mo alalay sa pagdakop ngadto sa mga kolorom.Pahugtan usab sa LGU Lala ang pagbantay sa mga boundary para dili makasulod ang mga kolorom, kini subay sa na meetingan nila SBM Raprap Lim ug mga SB members sa Lungsod sa Salvador.