MGA KAPILYA NGA SAKOP SA CHRIST THE KING PARISH SA MARANDING LALA, NAKADAWAT OG DONASYON GIKAN KANG KONSEHAL ALLAN GUZMAN

MGA KAPILYA NGA SAKOP SA CHRIST THE KING PARISH SA MARANDING LALA, NAKADAWAT OG DONASYON GIKAN KANG KONSEHAL ALLAN GUZMAN

Dako ang kalipay ug pasalamat sa mga kapilya nga sakop sa Parokya sa Christ the King sa Lungsod sa Lala human sila nakadawat og donasyon gikan kang SB member Allan Guzman niadtong domingo Peb. 15 2026.

Segun ni Brgy Maranding Kag. Nining Guzman, misis ni SB member Allan, gipaagi sa pagbunot ang 8 ka mga bag-ong mini speaker gumikan kay 13 ang ilang gikinahanglan ug 8 lang ang nahatag nga mga Bag-ong Sound Systems, Solar Lights ug mga wirless micropone nga magamit sa mga kapilya sa panahon sa mga misa sa simbahan.

Ang gigamit nga pondo sa pagpalit sa maong mga gamit gikan sa personal nga sweldo ug pundo ni Konsehal Guzman isip iyang kinasingkasing nga gasa ug pagpasalamat sa Ginoo sa mga blessings nga ilang nadawat ug ilaha kining gihatag ngadto sa simbahan.

Matud sa konsehal, kining maong donasyon usa ka katumanan sa iyang mga panaad ngadto sa katawhan niadtong panahon sa kampanya ug panaad sa Ginoo nga motabang sa simbahan.

Unang hugna pa lamang sa iyang tinguha nga makatabang, sanglit nasayod siya nga managlahi ang panginahanglan sa matag kapilya.