VICE MAYOR MARCOS MAMAY, NAGHOST OG USA KA SELEBRASYON PARA SA MGA DEPED OPISYAL SA LANAO DEL NORTE NGA BAG-ONG NA PROMOTE

VICE MAYOR MARCOS MAMAY, NAGHOST OG USA KA SELEBRASYON PARA SA MGA DEPED OPISYAL SA LANAO DEL NORTE NGA BAG-ONG NA PROMOTE

Usa ka selebrasyon ang gipahigayun didto sa Manila ni Vice Mayor Marcos Mamay sa Lungsod sa Nunungan, isip pag welcomed sa nga bag-ong na promote nga mga opisyal sa Department of Education (DepEd) Lanao del Norte.

Bisan si VM Marcos Mamay ang kasamtangang nagserbisyo isip Bise Mayor sa Nunungan, daghan gihapon ang nagtawag kaniya og “Mayor,” usa ka titulo nga nagpabilin human sa iyang tulo ka termino isip Mayor sa lungsod ug ang dugay na niyang koneksyon sa katawhan sa Lungsod.

Ang panagtapok nahitabo niadtong Marso 4, 2026, didto sa Music Box diin gi-host kini ni Marcos Mamay kauban ang iyang asawa nga si Madam Cathy Mamay. Ang maong kalihokan nagsilbi nga espesyal nga bonding moment sa mga magtutudlo nga gikan sa Lanao del Norte.

Ang bag-ong na-promote nga mga opisyal sa DepEd anaa karon sa kaulohan aron sa pag-obserbar sa mga kalihokan sa classroom ug mga sistema sa pagkat-on sa pipila ka mga eskwelahan sa Metro Manila isip kabahin sa ilang professional exposure ug development.

Daku ilang pasalamat ngadto sa mga magtutudlo sa ilang pasalig ug pagtabang sa mga estudyante nga makakat-on kini segun ni Mayor Mamay.Sila matud pa ang ikaduhang ginikanan sa mga bata sa eskwlahan, ug ang ilang kakugi ug paningkamot para sa nga bata.

Ang delegation gilangkuban sa mga bag-ong napromote ug  ranking officials sa DepEd Lanao del Norte sama nila Assistant Schools Division Superintendent Jayvy C. Vegafria; CID Chief Maria Eva S. Edon; Division Administrator Armando Pasok; Education Program Supervisor Rotsen Escorial; Division Planning Officer Lady Anne Cabahug; Division Budget Officer Inday Padayhag; Division Supply Officer Cherrybeth Gupit; Division Auditor Charice Mejares; ug si DAPPSHI President Pablo Nisnisan.

Present usab sa maong event si principals Anisah Sinal, nga bag-o lang napromot ug si Rene Montesa, nga bag-uhay lang nag retired.Anaa usab naghatag og kalingawan ang mga celebrity guests nga sila Ynez Veneracion, Katrina Paula, Pia Moran, Lance Raymundo, Julian Roxas, Jimsen Jison, Darwis Esmaeili, Don ug si Kimpoy Feliciano.

Ang maong selebrasyon nagpakita sa lig-on nga panag-uban tali sa Local Government Unit sa Nunungan ug sa Departament of Edukasyon, diin nagpakita sa ilang kooperasyon ug pagsuporta sa mga magtutudlo sa Lanao del Norte.