1652 KA MGA RESIDENTE SA LALA LANAO DEL NORTE, NATABANGAN SA LIBRENG HOSPITALIZATION PROGRAM

Miabot na sa 1652 ka mga residente sa Lala ang nahatagan og medical assistance pinaagi sa Libreng Hospitalization program ni ABC President Angie Yap.Kini ang gibutyag ni ABC/SB member Yap atol sa 13th Sangguniang Bayan regular session niadtong April 13 2026.

Isa kini sa mga programa ni ABC Pres. Angie Yap para sa katawhan sa matag barangay sa Lungsod. Human nga iyang nakita nga ang isa sa mga problema sa mga residente nga mahospital ang pangbayad sa ilang mga hospital bills hinungdan nga iyang gipaningkamutan nga ma realized ang maong programa ug makatabang sa mga katawhan nga naglisod sa ilang mga hospital bills.

Ang maong pondo gikan sa national government ug gidownload sa mga pribadong hospital sa Lungsod para sa mga residente nga mahospital ug ang uban ilang gi sero billing ilabina ang mga walang wala nga mga pasyente o katong pobre kaayo.

Dako usab ang pagpasalamat nila Mayor Tata Yap ug ang Sangguniang Bayan sa Lala ngadto sa mga leaderis sa Lalawigan nila Gov Khalid Dimaporo,1st District Cong Angging ug 2nd District Cong Aminah Dimaporo sa ilang padayun nga paghatag og suporta sa mga programa sa LGU para sa katawhan.