527 KA MGA DRIVERS NGA MEMBRO SA TODA SA LALA UG KAPATAGAN MAKADAWAT OG CASH ASSISTANCE

Makadawat og cash assistance isip tabang ngadto sa mga drivers nga tag 5000 ang mokabat sa 527 ka mga membro sa TODA kon Tricycle Operator and Drivers Association nga nagbyahe sa mga Lungsod sa Lala ug Kapatagan sa Lalawigan sa Lanao del Norte.

Ang pay-out sa maong assistance ipahigayon karong April 16 kon karong adlawa diha sa may Fabian Flores gymnasium sa Barangay Maranding nga pangunahan sa mga opisyal sa DSWD region 10.Ang maong pondo gikan sa buhatan ni 2nd District Congresswoman Aminah Dimaporo ug gipaagi kini sa buhatan sa DSWD nga maoy implementing agency isip tabang ngadto sa mga motorcycle drivers ug operators.

Tubag kini sa kalisod nga nasinati karong panahona gumikan sa pagsaka sa presyo sa gasolina diin naapektuhan ang mga nag-unang palaliton.Gihangyo usab nila Mayor Tata ug Vice Mayor Bobong Yap ang mga TODA members sa Lala nga dili usa magpasaka sa ilang pletehan ug hulaton ang pay final nga tarifa nga ilang ipagawas sa oras nga mahuman sila sa ilang consultative meeting kauban ang mga hingtungdan ahensya ug ang DILG.

Ang Lungsod sa Lala ug Kapatagan ang isa sa adunay pinaka daghang membro sa TODA nga namasayro sanglit anaa ang mga dagkong skwelahan ug mga stablisemento sa Lalawigan.