BRGY. MARANDING SA LALA, GIBIDA NI GOV. KHALID DIMAPORO NGA USA KA ASENSADONG BRGY. SA LANAO DEL NORTE ATOL SA 14 BRGY CONGRESS

Gibida ni Gov. Khalid Dimaporo ang barangay Maranding sa Lala nga isa sa progresibong Barangay ug gikompara sa usa ka Lungsod sa Lalawigan sa Lanao del Norte gumikan sa kadaghan sa mga residente og bontante.

Kini ang isa sa nahisgutan sa Governor atol sa ika 14th Provincial Brgy Congress nga adunay Tema nga : Matatag at Pinalakas na Barangay na Naglilingkod nang May Serbisyong May Puso at Paninindigan para sa Mamamayan ng Lanao del Norte.

Segun sa Governador, gusto ni Mayor Paeng Rizalda sa Lungsod sa Maigo nga molambo ug mahimong bibo ang Brgy Pob. sa maong Lungsod Maigo sama sa Maranding sa Lala.Dugang pa sa Governador, ilahang tabangan kauban ni 1st District Cong Angging Dimaporo ug bubua. og daghang proyekto ang maong Lungsod ilabina ang sentrong bahin nga sa karon nagpadayun sa pag asenso.

Ang Maigo ang mahimong sama sa Maranding sa unang distrito ug ang Maranding sa Lala sa ikaduhang distrito nga maoy mamahimong sentro sa komersyo.Ang Maranding sa Lala maoy nahimong sentro sa ikaduhang distrito diin anaa magtapok ug manglaag ang taga SND,Kapatagan,Nunungan,Sapad, Salvador ug Baroy kini dugang sa mensahe sa Governador atol sa Brgy Congress.

Padayun usab ang iyang panawagan sa tanang brgy opisyal sa Lalawigan nga magtinabangay para ang tanang katawhan sa matag brgy sa Lalawigan molambo.Nakahan-ay na usab ang iyang mga programa ug ang .ga ayuda para sa katawhan ilabina karon nga nagpadayun ang pagsaka sa mga presyo sa palaliton gumikan sa padayun nga pagsaka sa presyo sa gasolina sa tibuok nasud.