CASH INCENTIVES IHATAG SA LGU LALA NGADTO SA 5 KA MGA STUDYANTE NGA NAKA MEDAL SA NMRAA 2026

Planong hatagan og cash incentives sa mga miyembro sa Sangguniang Bayan (SB) sa Lala ang 5 ka mga atleta nga nakadaog og mga medalya sa bag-uhay palang nahuman nga Northern Mindanao Regional Athletic Association (NMRAA), isip pag-ila sa ilang kahago ug dedikasyon sa pagrepresentar sa lungsod.

Kini ang gibutyag ni SB member Dickyam Avila Salimbangon atol sa 13th SB regular session niadtong April 20 2026, diin mibista ug nag courtesy sa mga SB members ang mga atletang naka kuha og mga medalya. Kauban sa mga atleta si Jovanny Pangasian ug Lorelie Manulat ang isa sa mga coach sa gymnastic.

Kini nagpakita sa padayon nga pag suporta sa LGU Lala sa pagpalambo sa sports ug paghatag og inspirasyon sa mga kabatan-onan nga maningkamot sa ilang gipiling larangan.

Sumala sa mga SB Members, ang paghatag og insentibo dili lamang usa ka pahalipay, kon dili isa usab ka pamagi aron mapalig-on ang moral sa mga atleta ug dasigon pa ang ubang mga kabatan-onan nga moapil sa mga kalihokan sa sports.