DILG 10 NAGPAHIGAYUN OG DARE CARERAVAN PARA SA MGA BATA NGA ADUNAY MGA SPECIAL NEEDS SA LANAO DEL NORTE

DILG 10 NAGPAHIGAYUN OG DARE CARERAVAN PARA SA MGA BATA NGA ADUNAY MGA SPECIAL NEEDS SA LANAO DEL NORTE 

Nagpahigayun ang Department of the Interior and Local Government Region 10 (DILG 10) pinaagi sa Local Governance Regional Resource Center (LGRRC) ug usa ka pilot roll-out para sa Developmental Assessment, Rehabilitation, ug Empowerment (DARE) para sa mga kabataan kon Children with Disabilities Caravan (CAREravan) nga gitambungan sa mga kabataan gikan sa nagkadaiyang Municipyo sa Lalawigan nga didto gipahigayun sa Kalimudan Multi-Purpose Hall , Tubod, Lanao del Norte.

Si Governor Mohamad Khalid Q. Dimaporo ang nag welcome sa mga participante ug naghatag sa iyang full support para sa maong CAREravan.Gihatagan niya og gibug-aton ang kamahinungdanon sa pagtinabangay sa mga nasyonal ug lokal nga mga ahensya, mga medikal nga propesyonal, ug komunidad sa pagsiguro sa kaayohan ug kalamboan sa mga bata nga adunay espesyal nga panginahanglan. 

 

Ang inisyatiba nagpakita sa lig-on nga kolaborasyon, nga naghiusa sa mga importanteng stakeholders sama sa Provincial Government sa Lanao del Norte, ang National Council on Disability Affairs (NCDA), Department of Social Welfare and Development (DSWD), Department of Education (DepEd),ug ang Department of Health (DOH).

Ana usab ang  Philippine Society for Developmental and Behavioral Pediatrics nga nagpadala og 5 ka mga membro niini nga puros mga professionals ug mga medical fields apil na ang mga Physical Therapists, Speech Therapists, ug Psychologists, para sa maong CAREravan. 

Ang maong aktibidad gitambungan mismo nila DILG 10 Regional Director Bruce Augusto Colao; DSWD Undersecretary for Legislative Affairs Fatima Aliah Quibranza Dimaporo; DSWD 10 Regional Director Glofelia J. Uayan; NCDA Executive Director Glenda D. Relova; Cagayan de Oro City Councilor Desiree Ann M. Dahino ug mga opisyal gikan sa Provincial Government sa Lanao del Norte.