ESTUDYANTE SA LALA NATIONAL HIGH SCHOOL NAG CHAMPION SA NATIONAL SCHOOLS PRESS CONFERENCE 2026

Dako nga garbo ang naangkon sa Lungsod sa Lala sa Lanao del Norte human nakuha ni Maria Kristina Abegail Arellano sa Lala National High School ang First Place sa Copyreading ug Headline Writing English Secondary contest sa National Schools Press Conference 2026 diin didto gipahigayun sa Ormoc City.

Nahitabo kini karong tuiga diin nagtapok ang pinakamaayong campus journalists sa tibuok nasud. Tungod sa iyang kamaayo sa grammar, accuracy, ug pagsulat, napildi niya ang ubang kontestant nga gikan sa lain-laing rehiyon.

Ang iyang performance giila nga usa sa pinakamaayo sa kompetisyon. Kalit nga mikatag ang balita ug nakahatag og dakong dungog sa ilang eskwelahan ug sa Lungsod sa Lala.Daghang residente ang nalipay ug proud sa iyang naabot ug ingonman ang LGU Lala nila Mayor Tata ug Vice Mayor Bobong Yap.

Dako usab ang pasalamat sa iyang coach nga si Grace B. Gancena nga adunay dakong papel sa iyang kalampusan. Tungod sa padayon nga training ug giya, napalambo ang talento sa estudyante hangtod nakaangkon niine ang national title.