JOSH BENEDICT LIM GIKAN SA LALA NATIONAL HIGH SCHOOL NAKUHA ANG GOLD MEDAL SA SECONDARY BOYS SINGLE LAWN TENNIS SA NMRAA 2026
Nakuha ni Josh Benedict L. Lim gikan sa Lala National High School (LNHS) sa Lanao del Norte ug anak ni SB member Raprap Lim ang GOLD MEDAL sa Secondary Boys Singles Lawn Tennis sa gipahigayung Northern Mindanao Regional Athletic Association (NMRAA) Meet 2026 sa Malaybalay City, Bukidnon nga adunay tema nga One Region One Dream,Inspiring Excellence, Igniting Resilience.
Opisyal na usab siyang nakakuha og slot isip representante sa Rehiyon 10 para sa Palarong Pambansa 2026 sa Agusan del Sur karong umaabot nga Mayo.
Nagmaya usab ang mga coaches, pamilya, ug ang tibuok LNHS community sa iyang kadaugan.Ang amahan ni JB kon Josh Benedict Lim nga si SB member Raprap ang isa usab ka tennis player sa Lalawigan.
Samtang sa official result sa NMRAA 2026 nanguna ang One Asenso sa Misamis Occidental nga adunay total medal nga 266 ug nagsunod ang Misamis Oriental nga adunay 221 ka mga medal.Samtang ang Lanao del Norte adunay 120 ka mga medalya ang nakuha sa mga atleta ning Lalawigan.
Comments
Post a Comment