LALAKI NAG BYERNES SANTO SULOD SA PRESUHAN HUMAN NADAKPAN SA DRUG OPERATION SA TUBOD LDN

LALAKI NAG BYERNES SANTO SULOD SA PRESUHAN HUMAN NADAKPAN SA DRUG OPERATION SA TUBOD LDN

Nag byernes santo sulod sa presuhan ang usaka lalaki human kini nadakpan sa gipahigayong drug operation pinaagi sa pag implement sa search warrant kontra druga alas 5:30 sa buntag April 3 2026.

Ang suspek giilang si Carl Vincent Canyores, 25 anyos, walay trabaho,adunay ka livein partner ug residente sa Purok 1 RCIS Tubod Lanao del Norte.

Segun sa suspek, dugay na sya sa maong bisyo ug namaligya kini sa maong druga gumikan wala syay laing makita nga trabaho.Ilado usab kini sa maong lugar ug mismo ang iyang mga silingan ang mireklamo gumikan sa iyang binuhatan ug disturbo na kini sa mga tao sa maong dapit.

Nakuhaan og 7 ka putos sa shabu ang maong suspek nga mitimbang og 7 ka gramo ug nagkantidad og 47,600 ug mga drug paraphernalia. Kasong paglapas sa sec 11-12 sa RA 9165 ang ipasaka karong adlawa lunes sa piskalya.