LALAKING UNDER PROVISION NADAKPAN HUMAN NAMALIGYA UG NAG GAMIT OG SHABU SA BRGY. LAPINIG KAPATAGAN

Napasang-at na kagahapong adlawng lunes April 20 ang kasong pagsupak sa sec 11-12 sa RA 9265 batok kang Christother Gargar Banhaw, residente sa Purok 4 Brgy Lapinig Kapatagan Lanao del Norte human kini nadakpan nga nagbaton og shabu atol sa implementasyon sa search warrant kontra druga nga gipirmahan ni Judge Jihan Gift Gonzaga Morong ang Presiding Judge, sa RTC-LDN, Tenth Judicial Region, Branch 21.

Ang suspek under provission gumikan sa iyang gi atubang nga kasong pagsupak sa 10591 kon Comprehensive Firearms and Ammunition Regulation Act niadtong 2016 ug 14 years ang iyang sentensya ug aduna nalang 6 kabulan nga mahuman na unta ang iyang sentensya.

Apan walay swerte kay nadakpan kini sa mga sakop sa PDEU human nga ilang namonitor nga nagpayuhot kini og iligel nga druga.Wala na gilimod sa maong suspek ang maong binuhatan ug iyang gi angkon nga misulod kini sa maong bisyo sa iyang pag gawas gikan sa BJMP.