LGU NUNUNGAN SA LANAO DEL NORTE NANGHATAG OG MGA FERTILIZER'S NGADTO SA MGA MAG-UUMA SA LUNGSOD

LGU NUNUNGAN SA LANAO DEL NORTE NANGHATAG OG MGA FERTILIZER'S NGADTO SA MGA MAG-UUMA SA LUNGSOD 

Para suportahan ang mga mag-uuma sa Lungsod sa Nunungan ug na sustain ang ilang mga maayong abot sa uma, nanghatag og mga abuno ang LGU ngadto sa mga mag-uuma sa Lungsod.

Ang maong inisyatiba kabahin sa padayong pagpaningkamot sa Munisipyo para sa pagpalig-on sa seguridad sa pagkaon ug pagpataas sa sektor sa agrikultura, ilabi karong panahona nga misaka ang mga palaliton.

Ang mga mag-uuma sa humay ug mais maoy usa sa mga proyoridad sa LGU aron masiguro ang ilang mga pananom ug adunay nindot nga ani sa umaabot ug para sa pagpalig-on sa seguridad sa pagkaon para sa katawhan sa Lungsod.

Gihatagan og gibug-aton nila Mayor Alliah Mamay ug Vice Mayor Marcos Mamay ang kamahinungdanon sa pagsuporta sa mga mag-uuma, nga sila ang nagpalihok sa ekonomiya sa lungsod. Gidugang pa nga ang pag-apod-apod dili lamang mahitungod sa paghatag og tabang kondili mahitungod usab kini sa pagpamuhunan sa mga produkto  ug kaugmaon sa mga lokal nga komunidad.

Giimplementar pinaagi sa Municipal Agriculture Office, ang programa nagtumong sa pagpalambo sa abot sa tanom, pagpagaan sa gasto sa produksyon, ug pagpalambo sa malungtarong pamaagi sa pagpanguma pinaagi sa hustong paggamit sa mga abono.

Ang LGU sa Nunungan mipasalig nga mas daghan pang mga programa ang magpadayon, lakip na ang dugang suporta sa agrikultura, samtang nagpadayon kini sa pagduso sa pagpalambo sa lokal nga pagpanguma ug pagpalig-on sa kalamboan sa agrikultura sa munisipyo.