LOCAL PRICE COORDINATION COUNCIL MEETING GIPAHIGAYON SA LUNGSOD SA LALA

Gipangunahan nila Municipal Administrator Job Pangilinan, MLGOO Lovelia Buot ug SB member Ralph Lim ang Chairman sa Committee on Ways and Means, Local Economic Enterprise, Trade and Industry, Investment and Business Promotion, ug Transportation—ang gipahigayong Local Price Coordination Council (LPCC) Meeting sa lungsod sa Lala.

Ang maong tigum gitumong aron hisgutan ang kasamtangang kahimtang sa mga presyo sa mga nag-unang mga palaliton ilabi na ang epekto niini sa mga konsyumer sa komunidad karong nagsaka ang presyo sa gasolina.

Gisusi usab ang mga lakang aron mapadayon ang patas ug makatarunganong mga presyo sa merkado.Gipasabot usab ang ka importansya sa koordinasyon sa LGU ngadto sa mga negosyante, ug ang uban pang mga ahensya sa gobyerno aron mapalig-on ang monitoring ug enforcement sa mga polisiya nga may kalabotan sa presyo ug suplay sa mga produkto.