MAKAPAODA ASSOCIATION SA LALA UG KAPATAGAN NANGHATAG OG FUEL SUBSIDY SA ILANG MGA MEMBRO

MGA MEMBRO SA MAKAPAODA ASSOCIATION SA LALA UG KAPATAGAN NANGHATAG OG FUEL SUBSIDY SA ILANG MGA MEMBRO 

Gumikan sa pagsaka sa presyo sa gasolina nga miabot na sa 130 kada litro, ang grupo sa MAKAPAODA kon Maranding, Kapatagan Operator Drivers Association nanghatag og 200 pesos nga fuel subsidy ngadto sa ilang mga membro para bisan sa gamay nga pamaagi makatabang sila sa ilang mga membro.

Gikalipay usab kini sa mga membro sa maong asosasyon gumikan dako na kining tabang ngadto kanila ilabina karong panahona nga hinay ang sakay sa mga pasahero ug padayun ang pagsaka sa presyo sa gasolina.

Nagpasalamat usab si SB member Raprap Lim ang chairman committee on Transportation and Communication ngadto sa mga opisyal sa drivers association sa ilang inisyatiba para sa ilang mga membro.Nag awhag usab kini nga dili sa magpataas sa ilang  pletehan ilabina sa mga studyante.

Nakatakda nga magpatawag og usa ka committee hearing si SBM Raprap Lim ngadto sa mga drivers Association para sabutan ug matin-awan ang insaktong plitihan nga ipatuman sa Lungsod sa Lala.