MAYOR BETH BAGUIO ALI NANGHATAG OG MGA FOOD PACKS SA MGA MOTORCYCLE DRIVERS SA KAPATAGAN LANAO DEL NORTE

Isip pagpakita og suporta sa mga motorcycle drivers sa Lungsod sa Kapatagan ug gumikan sa sunod² nga pagsaka sa presyo sa gasolina, nanghatag og mga food packs ang LGU Kapatagan ngadto sa mga motorcycle drivers isip pag-ila sa ilang dakong papel sa pagserbisyo sa komunidad matag adlaw ug isip tabang na usab kanila sa grabeng pagsaka sa presyo sa gasolina.

Ang maong kalihokan gipangunahan nila Mayor Beth Baguio Ali ug Vice Mayor Barry Baguio, kauban sila Mun. Admin Harris Umpa Ali ug MSDWO head Annabelle Patalinghug pagpakita usab kini sa ilang dedikasyon sa padayon nga paghatag ug suporta ug pag-atiman sa katawhan.

Padayon karon ang Lokal nga Panggamhanan sa Kapatagan sa pagserbisyo ug pag-atiman sa katawhan, isip pagpakita sa tinuod nga malasakit ug pagtinabangay para sa kaayohan sa tanan.

Mapasalamaton usab ang mga drivers sa ilang nadawat gikan sa LGU diin dako na kining tabang ngadto sa ilang mga pamilya ug sa ilang inadlaw -adlaw nga panginahanglanon.