MAYOR TATA YAP, GIKLARO NGA DILI PROGRAMA SA LGU ANG TAG 20 KILO NGA BUGAS SA NFA; PROGRAMA KINI SA NATIONAL GOVERNMENT
Sumala sa Mayor,usa ka National Program nga gitawag og BBM kon Benteng Bigas Meron na ubos sa pagdumala sa Government-Owned and Controlled Corporations (GOCC) ug dili kini direkta nga proyekto sa LGU ug ang GOCC maoy nagkontrol sa tibuok proseso ug guidelines sa maong programa.
Gikumpirma ni Mayor Tata Yap nga nangayo og assistance ang kadagkoan sa NFA sa Philippine National Police (PNP) human adunay mga insidente nga pipila ka mga tao ang nagpakita og kaisog ug namugos nga mopalit og daghan.
Gipahinumdoman sa Mayor ang publiko nga adunay strict limit kon limitasyon sa kadaghanon sa bugas nga pwedeng mapalit sa matag tawo base sa guidelines sa maong programa.
Gitubag usab sa Mayor ang kabalaka sa uban mahitungod sa daghang sakyanan nga makita sa palibot sa NFA ug sa National Highway.Segun sa Mayor, dili lang taga-Lala ang nagtapok sa maong dapit kondili lakip na ang mga mag-uuma ug lumulupyo gikan sa nagkalain-laing Munisipyo sa tibuok probinsya sa Lanao del Norte.
Daghan matud pa ang tag-iya sa mga sakyanan ug gi-usa lang nila ang pagpalit aron makadaginot sa byahe ilabina nga misaka pag-ayo ang presyo sa gasolina, samtang ang uban usab mga taga-Lala ang nagdala og kaugalingong sakyanan.
Gidugang pa sa Mayor nga dili pwede nga per barangay ang pagbaligya sa maong bugas gumikan kay ang GOCC ang nag control niine ug base sa ilang guidelines sa NFA warehouse ra ang release sa maong mga bugas
Hinuon, nanawagan ang Mayor sa tanan og gamay nga pasensya ug pagsabot samtang nagpaabot pa sila sa tubag sa opisyal nga request nga ilang gipadala. Naglaum usab ang Mayor nga basin adunay mga kausaban sa mga guidelines sa umaabot nga mga adlaw aron mas mapadali ang serbisyo alang sa tanan.
Comments
Post a Comment