MGA TAG-IYA OG FISH PEN SA LALA GIPAHINUMDOMAN SA ILANG OBLIGASYON; COASTAL CLEAN-UP SA BRGY. PACITA, GIKASABUTAN NGA IPATUMAN

Nipagawas og opisyal nga pahinumdom si SB member Mark Yap Ancanan, ang Chairman sa Committee on CRM kon (Coastal Resource Management) ug Peace and Order, ngadto sa tanang nanag-iya og fish pen sa Lungsod sa Lala.

Tumong sa maong pahinumdom ang pagseguro nga ang tanang operators nagsunod sa ilang mga obligasyon ug sa ilang mga legal nga mga requirements aron mapanalipdan ang kadagatan ug ma mainten ang kahapsay ug kalimyo sa dagat ug sa operasyon.

Gipasabot ni SB member Ancanan nga gikinahanglan ang kooperasyon sa mga negosyante aron malikayan ang bisan unsa mang mga komplikasyon sa mga balaod sa dagat.Pormal usab nga gipahibalo sa opisyal ang pagpahigayon og usa ka ka halapad nga Coastal Clean-up Drive sa Barangay Pacita karong bulan sa Abril.

Giawhag usab niine ang tanang mga lumulupyo sa mga coastal barangay sa pag-apil ug pagsuporta sa maong kalihokan alang sa mas limpiyo ug mas malungtarong Barangay Pacita nga maoy isa sa dakong pantalan sa Lungsod.