MGA TRANSPORT ASSOCIATION PRESIDENT SA LALA,GITIGOM NI MAYOR TATA YAP ARON HISGUTAN ANG PAGTAAS SA PLETIHAN

Gumikan sa padayun nga pagsaka sa presyo sa gasolina nga miabot na sa 160 kada litro, mi-aray na ang transport sector ug nagplano nila nga magpataas sa ilang mga pletihan.Hinungdan gitigom nila Mayor Tata Yap ug SB member Raprap Lim ang chairman committee on Transportation and Communication sa Sangguniang Bayan sa Lala kauban si Kag. Kokon Villondo ang chairman committee on Transportation sa Brgy Maranding.

Sa maong meeting, mitambong ang tanang Motorcycle Owners and Drivers Association President nga anaa namasayro sa Lala apil na ang mga traffic enforcers para masayran ang insaktong pletihan sa mga sumasakay paingon sa nagkadaiyang mga Barangay.

Gihisgutan sa maong meeting ang pagsaka sa mga pletihan diin adunay nakatakdang increase nga tag 5 hantud 10 pesos ang nakatakdang ipatuman gumikan sa pagsaka sa presyo sa gasolina.

Segun ni Mayor Tata Yap, nga Kung adunay mangayo og dagkong pleti o sobra sa gitakdang pletehan isumbong sa iyang buhatan aron ipatawag ang President sa maong Asosasyon.

Karong martes, gikatakda ang ikaduhang meeting sa mga SB members kauban sila Mayor Tata Yap ug DILG MLGOO Lovelia Buot para plastaron ang mga pletihan ug makapagawas sila ug taripa nga maoy mahimong sumbanan sa mga sumasakay.