NGO NANGHATAG OG ARROZ CALDO ATOL SA CELEBRASYON SA EASTER SUNDAY SA CHRIST THE KING CHURCH UG SA SAINT FRANCIS OF ASSISI SA LALA

Usa ka NGO kon Non Government Organisasyon ang nanghatag og mainit nga arroz caldo sa mga misimba sa duha ka mga dagkong simbahan sa Lala ang Christ the King Church sa Maranding ug ang Saint Francis of Assisi sa Lala Proper diin mapasalamaton nga gisaulog sa mga parokyano ang pagkabanhaw ni Kristo niadtong Easter Sunday, Abril 5, 2026 diin sa usa ka dako nga feeding programa nga gipangunahan sa Lala Golden Valley Eagles Club ilalom sa NMR III.

Isip kabahin kini sa ilang serbisyo sa komunidad, nga ang miyembro sa maong club nag-apud-apod og mainit nga Arroz Caldo ngadto sa mga katawhan nga misimba ug misugat sa pagka banhaw ni Hesus Kristo sa duha ka dagkong simbahan sa lungsod sa Lala.

Ang maong kalihokan nagtumong sa pagpakaylap og grasya ug panaghiusa sa mga debotong Katoliko human sa pagsaulog sa Santos nga Misa.Ang mga opisyales ug miyembro sa Lala Golden Valley Eagles Club dako ang pagpasalamat sa ilang mga opisyales ug membro nga miduyog kanila para sa malampuson nga pagpahigayon sa maong aktibidad ug isip kabahin kini sa ilang panata kada mahal nga adlaw ug ang pagsugat sa pagkabanhaw ni Ginoong Hesus ang easter sunday.