OPISYAL SA USA KA BARANGAY SA LUNGSOD SA MAIGO LANAO DEL NORTE NANGHATAG OG PANGTUBIL SA MGA DRIVERS

OPISYAL SA USA KA BARANGAY SA LUNGSOD SA MAIGO LANAO DEL NORTE NANGHATAG OG PANGTUBIL SA MGA DRIVERS

Tungod sa padayon nga pagsaka sa presyo sa gasolina nanghatag ug pang gasolina ang konseho sa barangay Labuay sa lungsod sa Maigo sa lalawigan sa Lanao del Norte.

Gipahayag ni Lanao del Norte Federated Association of Barangay Council FABC President Joseph Neri Jr. kinsa mao usab ang punong barangay sa Labuay nga tag 200 pesos ang naihatag nga pang gasolina sa mokabat 51 ka mga driver ug motorcab sailang barangay.

Ang maong Fuel Assistance sa mga LAMODA drivers, gikuha gikan sa 70% Calamity Fund, ug giuyonan sa mga konseho sa maong barangay.

Gidugang pa ni Neri nga sailang paghatag niini ila usab nga gihangyo ang mga drivers nga dili patas-an ang ilang pletehan sa mga estudyante nga nagtungha sailang barangay.

Alang kang Neri nga kini gamay lamang nga tabang apan pagpamatuod nga wala nagpabungol-bungol ang mga opisyal sa maong barangay nga nabati usab niini ang kalisod nga nasinati sa sector sa mga drivers ingon man sumasakay niining nagpadayon nga crisis sa gasolina.