PBGEN AMPARO NANGUNA SA PAGLUSAD SA PRBU PROCESSING DESK SA LANAO DEL NORTE POLICE PROVINCIAL OFFICE

Gipangunahan ni PBGEN JONAS AMPARO, Director sa PNP Retirement and Benefits Administration Service (PRBS) ang paglusad sa PRBU kon Police Retirement and Benefits Unit Processing Desk didto sa Lanao del Norte Police Provincial Office didto sa Camp Major Eduardo J. Gallego, Tubod Lanao del Norte.

Mismong si Police Provincial Director PCOL Leo De Leon Sua ang nanguna sa pag welcome ni PBGen Amparo.Ang maong kalihokan gisugdan sa usa ka seremonyas sa pagbendisyon nga gipangunahan ni PLTCOL MARK VIRGIL IBARDOLAZA, Regional Pastoral Officer sa PNP 10.

Isip kabahin sa iyang engagement, si PBGEN AMPARO personal nga nakig-interact sa LDN PPO personnel, diin usa kini ka makahuluganong meet and greet sa mga pensioner ug sa mga retirees diin gisundan sa usa open forum.

Ang kalihokan naghatag ug bililhong plataporma alang sa mga pensiyonado ug mga retirado aron direkta nilang mapaabot ang ilang mga kabalaka ug mga sugyot para sa pagpalig-on sa ilang pasalig sa organisasyon.

Gipasalig usab ni PBGEN AMPARO ang pagpalig-on pag-usab ug ang pagpadayon sa mga inisyatibo ug dugang pagpalambo sa paghatod sa mga episyente, responsive, ug dekalidad nga serbisyo nga nailhan sa PRBS kon PNP Retirement and Benefits Administration Service.