VM BOBONG YAP, DAKO ANG KALIPAY HUMAN NAKUHA SA GRADE 2 STUDENT ANG 5 KA GOLD MEDAL SA BAG-UHAY NAHUMAN NGA NMRAA 2026

Dako ang kalipay ni Vice Mayor Bobong Yap sa Lungsod sa Lala human nasayran nga nakuha ni Janazae Lerio Manulat, 8 anyos, taga Brgy Cabasagan Lala ug usa ka Grade 2 student sa Abaga Central Elementary school ang 5 ka gold medal ug 1 ka silver medal sa Women Artistic Gymnastics sa bag-o lang nahuman nga NMRAA  2026 nga didto gipahigayun sa Probinsya sa Bukidnon.

Segun ni VM Bobong Yap, chairman committee on sports sa LGU Lala, kini nga bata ang angay suportahan ug garbo kini sa Lungsod.Samtang maghatag og suporta ang iyang opisina sa maong altlete nga sa karon nangandam na para sa pagsalmot sa Palarong Pambansa karong Mayo didto sa Agusan del Sur.

Una nang naghatag og dakong suporta ang PGLDN pinaagi nila Gov Khalid ug Cong Aminah Dimaporo ngadto sa mga atleta sa Lalawigan.Samtang nagpasalamat usab si Janazae Lerio Manulat ngadto nila Gov Khalid ug Cong Aminah sa ilang paghatag og suporta ngadto kanila nga mga atleta, ingonman ila usab gipasalamatan sila Mayor Tata ug VM Bobong Yap sa Lala sa ilang kanunay ug dakong suporta nga gihatag ngadto kanila.