2 KA LALAKI NANUYOP OG SHABU SULOD SA BALAY DAKPAN SA KAPULISAN, SHABU UG ARMAS NAKUHA DIHA SA BRGY. PINUYAK SA LUNGSOD SA LALA

Arestado ang duha ka drug suspek human kini sila nasakpan nga nanuyop og shabu sulod sa usa ka balay diha sa Purok Acasia Barangay Pinuyak Lala, Lanao del Norte alas 2:30 sa hapon Mayo 2.

Ang duha giilang si Marlon Surban, 42 anyos, minyo, walay trabaho, resodente sa maong dapit ug si Lucas Juaton, 44 anyos, bulag sa asawa, walay trabaho ug residente sa Purok Nangka Maranding.

Ang duha ka suspek, naaktuhang nagsuyop og shabu sulod sa balay ni Marlo, ug nakurat sila sa dihang kalit lang naabri ang purtahan sa maong balay.Wala nahuman sa duha ang maong shabu ug anaa pa kini sa foil nag aso sa diha gi aresto ang duha

Nakuhaan si Lucas ug 2 ka pakiti sa shabu nga wala pa naabrihan, samtang nakuha sa dalang bag ni Marlon ang 38 kal. sa armas nga adunay 4 ka mga buhing bala. Segun ni Kap. Mario Tapio, magsege og pabuto sa iyang pusil ang suspek nga si Marlon ug dili na matud pa kini  magpatuo sa brgy officials.Samtang igo nalang sa paghilak si Marlon og nangita sa iyang mama nga anaa sa cebu.

Mag atubang og kasong pagsupak sa RA 9165 ug RA 10591 ang duha ka suspek.