245 KA MGA PWD UG SENIOR CITIZENS NGA MGA RESIDENTE SA LALA NAKADAWAT OG CASH ASSISTANCE GIKAN SA DOLE

Naka dawat og tag 7290 and mokabat sa 245 ka mga resident sa Lungsod sa Lala nga mga PWD ug mga Senior Citizens pinaagi sa programang TUPAD o Tulong Panghanapbuhay sa Ating Disadvantaged/Displaced Workers diin didto gipahigayun sa Lala Evacuation Center.

Pinaagi kini sa kolaborasyon tali sa Department of Labor and Employment ug LGU Lala.Sa mensahe ni Municipal Administrator Job C. Pangilinan II iyang gihatagan ug pagtagad kung unsa kamahinungdanon sa programa sa gobyerno isip suporta ngadto sa mga displaced ug disadvantaged workers sa komunidad.

Nagpasalamat ngadto sa LGU Lala ilabina nila Mayor Tata Yap ug Vice Mayor Bobong Yap tungod sa ayuda nga ilang nadawat.

Sumala sa mga benepisyaryo, dako kaayong tabang ang maong programa sa ilang panginabuhian, ilabi na sa panahon nga naglisod sila sa pangita og trabaho.

Nagpasalamat usab sila sa padayon nga suporta sa LGU ug sa Department of Labor and Employment nga maoy nagdala sa maong programa ngadto sa komunidad.