27 KA MGA SENIOR CITIZEN PRESIDENTS SA LALA, NAKADAWAT NA SA ILANG HONORARIA

Malampuson ang gipahigayon nga pagpanghatag sa mga honoraria alang sa 27 ka mga Senior Citizen Presidents sa lungsod sa Lala, Lanao del Norte niadtong Lunes May 4 2026 para bulan sa Marso ug April nga 4k pesos diin 2k matag bulan ang ilang madawat.

Nagpahayag sa ilang pasalamat ang nga senior president ngadto sa Local Chief Executive nga si Mayor Angel Llanos Yap ug Vice Mayor Lemuel Llanos Yap, ingon man sa tibuok konseho sa LGU-Lala sa ilang gihatag nga padayon nga suporta sa mga senior citizens.

Gipasalamatan usab niini si Committee Chair on Social Services SBM Engr. Rosie C. Javate, Committee Vice Chair ug ABC President Virginia C. Yap, ug Municipal Administrator Job C. Pangilinan II nga bisan sa ilang ka-busy, mitambong gihapon sa maong kalihokan.

Ang maong kalihokan kabahin sa padayon nga paghatag og suporta ug pag-atiman sa mga lider sa senior citizens sa lungsod.